iPhone X "меросхўри"ни ишлаб чиқариш арзонга тушади
Apple жорий йилда ишлаб чиқаришни режа қилган ва жиҳатларига кўра iPhone X моделининг меросхўри бўлиши кутилаётган янги авлод смартфонлари 10 фоизга арзонлашади. Шу билан бирга, бу айфон бир қатор янги инновацион функцияларга ҳам эга бўлади.
Digitimes Research маркетинг компанияси таҳлилчиларининг фикрича, 5.85 дюймли ҳамда OLED матрицали янги авлод iPhone қурилмаси кузда тақдим қилинади. 2017 йилда тақдим қилинган iPhone X таннархи компанияга $400 АҚШ долларига тушган. Бу йилги энг илғор айфоннинг донасини ишлаб чиқариш учун қилинадиган харажатлар миқдори 40 АҚШ долларига камаяди. Бу эса унинг нархига ҳам ижобий таъсир қилиши керак.
Экспертларнинг фикрича, айфон нархи унинг таннархидан келиб чиқиб қўйилмайди. Одатда компания илғор лойиҳалар ҳамда тадқиқотлар учун сарф қилинган маблағни ҳам таннархга қўшади. Қолаверса, компания фикрича маҳсулот қиммат бўлса, унинг нуфузи ҳам ошади.
Мисол учун, 64 гигабайтли iPhone X моделини ишлаб чиқариш учун $357.50 доллар сарф қилинади. Apple эса уни 999 АҚШ долларидан бошлаб сотади. Ёки Apple iPhone X моделининг энг қиммат талқини учун $412 доллар сарфлаган экан. iPhone X'нинг энг қиммати эса 3 ноябрдан 1149 доллар доллардан сотувга чиқарилади. Гаджетнинг нархи унинг таннархидан 60% га кўпроқ.
Бу инсофсизлик бўлса ҳам, компания бундай деб ҳисобламайди. "Бу сиз олаётган технологиялар учун оқилона нарх", - дея таъкидлайди компания раҳбари.
10-авлод iPhone смартфонидаги энг қиммат таркибий қисм OLED-экран экан. Унинг баҳоси $80 долларга тенг. Бу йил Apple Samsung Display билан OLED дисплейларни нисбатан арзон нархда етказиб бериш бўйича янги шартнома имзолаган. Қолаверса, бу йил 130 миллионтагача OLED дисплей Тайванда ишлаб чиқарилади. Бу эса таннархнинг арзонлашувига хизмат қилади.
