Компьютер тилни одамдан кўра яхшироқ англай бошлади!

Хитойдаги Baidu компаниясининг ERNIE номли «сунъий онг»и мисли кўрилмаган ютуқларга эришмоқда. MIT Technology Review нашрининг ёзишича, у тилни ўртача одамдан кўра яхшироқ тушуна бошлаган.

ЎҚИНГ: CES 2020 тадбирида Samsung «сунъий одам» тақдим этади! (+расмий видео)

Хабарга кўра, тилни англаш бўйича ўтказилган чемпионатда ERNIE биринчи ўринни эгаллаган. Ушбу тест мобайнида ўртача инсон 100 баллдан 87 балл олган бўлса, Baidu маҳсулоти 90 балл билан ғолибликка эришган.

Айтиш керакки, бу чемпионатда фақат инглиз тилини билиш бўйича текширув ўтказилган. Аммо аниқланишича, компьютер ҳатто хитой тилини ҳам ўртача одамдан кўра яхшироқ билар экан.

ERNIE айнан мана шу чемпионатда қатнашиш учун яратилган. Унинг бош мақсади – Baidu’га тегишли қидирув тизимининг натижаларини такомиллаштириш, шунингдек, Сяо Ду овозли ёрдамчисининг жавоблари аниқлигини яхшилаш бўлган.

ЎҚИНГ: Талабаларимиз инсон ҳис-туйғуларини очувчи дастур яратдилар