LG бошқарувида раҳбар ўзгарди
LG Group компаниясининг раҳбари ўзгарди. Шу йилнинг 29 июнь кунидан бошлаб Ку Кван-мо компаниянинг директорлар кенгаши аъзоси ҳамда ижрочи директори ҳисобланади.
LG компанияси оилавий конгломерат бўлиб, компанияда тўртинчи бор авлодлар алмашинуви юз берди.
Ку Бон-му 73 ёшида оғир хасталикдан вафот этган. Унинг ўғли Ку Кван-мо 2006 йилда LG Electronics молиявий жамоасига қўшилган эди. Айни пайтгача Холдинг акцияларининг 6,24 фоизи унга тегишли эди. Отасининг акциялари (11,28 фоиз) ҳам Ку Кван-мога ўтгач, у компаниянинг энг йирик акциядорига айланди. Унинг укаси айни дамда компаниянинг 7,72 фоиз акциясига эгалик қилиб турибди.