LG G5 моделининг омадсизлиги компанияга 67 млн долларга тушди

Яқинда Korea Herald нашри LG  компаниясининг навбатдаги флагмани LG G6 ҳақида баъзи тафсилотларни эълон қилди. Шу билан бирга, мазкур нашр LG фирмасининг жорий флагмани LG G5 моделининг кутилган натижани қайд этмагани ва савдодаги омадсизлик компанияга ҳозиргача 67 млн доллар зарар келтиргани ҳақида ҳам хабар берган. Ҳатто LG мазкур смартфонни яратишда қатнашган бир қатор мутахассисларни ишдан бўшатишга ҳам қарор қилган.

LG G5 моделининг муваффақиятсизлиги ишлаб чиқарувчини LG G6 смартфонига янада кўпроқ эътибор ажратишга ундамоқда. Хусусан, корейс нашрларида келтирилган маълумотларга кўра, LG G6 флагмани LG Pay сервиси ишлайдиган биринчи смартфон бўлиши, шунингдек, у ечиладиган батарея ва кўз ёй сканери билан жиҳозланиши маълум қилинган.