Meizu 15 юбилей флагманларини янги «жонли» суратларда кўрамиз!
Хитойнинг Meizu компанияси ўзининг 15 йиллигига бағишлаб янги смартфонлар туркумини тақдим этишни режалаштирган. Meizu 15, 15 Plus ва 15 Lite деб номланувчи ушбу моделлар яқинда TENAA сайтида «кўриниш берган» эди.
ЎҚИНГ: Meizu 15 смартфонлари рўйхатдан ўтказилганида уларнинг дизайни ва жиҳатлари фош бўлди
Энди эса инсайдерлар бу смартфонларнинг янги «жонли» расмларини ҳам интернетга чиқариб юборишди. Шунинг эвазига хитойлик бу смартфонсознинг янги моделларини яқиндан томоша қилиш имконига эга бўлдик.
Кўриб турганингиздек, Meizu кўпчилик смартфонсозларга эргашиб, iPhone X моделидаги каби «кемтик»ли экранга эга телефон яратмаган. Ҳатто дисплейнинг юқори ва пастида энлигина ромлари ҳам бор.
Юбилей смартфонининг орқа панели эса металлдан ясалган ва жилокор қопламага эга.
Олд юзадаги «Уйга» тугмачаси кичкина, шу боис унга бармоқ изи сканерини жорий этишмаган бўлса керак. Афтидан, худди Meizu M6s моделидаги каби, бу сенсорни корпуснинг ён қиррасига жойлаштиришгандир.
ЎҚИНГ: Meizu 150 долларлик M6S'ни тақдим қилди
Шунингдек, android.com сайтида Meizu 15 туркумига мансуб учала смартфоннинг ҳам баъзи хусусиятлари пайдо бўлган. Фақат уларнинг процессорлари ва нархлари ҳозирча маълум қилинмаган:
Meizu ўзининг юбилей смартфонларини шу ойнинг ўзидаёқ тақдим этишни режалаштирган. Шундан сўнг Meizu 15 туркумига мансуб бу қурилмалар тез орада савдога ҳам чиқарилиши мумкин. Эҳтимол, ўшанда уларни Ўзбекистонда ҳам харид қилиш имкони бўлар.
ЎҚИНГ: Кучли смартфон брендлари билан расман ишлайдиган дўкон очилиши кутилмоқда
