Mi MIX 2s муҳим жиҳати билан жаҳонда биринчи бўлади!
Яқиндагина Xiaomi'нинг бу йилги илғор гаджетларидан бири бўлиши кутилаётган Mi MIX 2s'нинг 2018 йилнинг кучли процессори бўлиши кутилаётган Snapdragon 845 чипида фаолият кўрсатиши маълум бўлди.
Шу билан бирга, шу кунларда тарқалган маълумотларга кўра, Xiaomi Mi Mix 2s флагмани Qualcomm'нинг Snapdragon 845 чипига эга бўладиган жаҳоннинг илк смартфони бўлиши мумкин. Аввалроқ бу номга Samsung Galaxy S9 флагмани даъвогарлик қилаётганини айтган эдик.
Эслатиб ўтиш керакки, 2017 йилда Galaxy S8 йилнинг энг кучли Snapdragon 835 чипсетида ишлаб чиқарилган илк тижроий смартфон бўлган эди. Шунингдек, бу флагманга қадар февралда ўтказилган MWC 2017 анжуманида Qualcomm Snapdragon 835 чипида ишлайдиган Sony Xperia XZ Premium ҳам тақдим қилинган эди.
Бир фурсат аввал Mix 2s моделининг февралда ўтиши кутилаётган MWC 2018 анжуманига қадар тақдим этилиши тўғрисидаги хабарлар ҳам бутловчи қисмлар етказиб берувчилар томонидан тарқатилган эди. Афтидан, Xiaomi ҳам нуфузини мустаҳкамлаш мақсадида, SD 845 учун жиддий кураш олиб бормоқда.
Ҳозирча Mix 2s флагмани кучли флагман чипсетга эга бўладиган смартфон бўлиши аниқроқ бўлиб турибди. Яъни, бу модел биринчи бўлиб тақдим этилса ҳам, бу чипга эга Galaxy S9 биринчи бўлиб сотувга чиқарилади.
Ҳозиргача аниқланган маълумотларга кўра, Xiaomi Mi Mix 2s тўлиқ экранли ва дисплей ёнлари юпқа ромлар билан ўралган, 18: 9 стандартли дисплейдан иборат девайс бўлади.
