Москвада электрда қизитиладиган валенкалар пайдо бўлади
Тез орада Москва шаҳрида “Оёқларни иссиқ сақланг” номли лойиҳа ишга туширилади, деб ёзмоқда Ferra нашри. Лойиҳа доирасида валенка кўринишидаги махсус арт-объектлар шаҳар парклари ва кўчаларига ўрнатилади. Бундай валенкаларнинг биринчи жуфти “Соколники” паркига жойланиши маълум қилинган.
Валенка баландлиги 40 см бўлган пластик каркасдан ташкил топган. Табиийроқ кўриниши учун унга қор зарралари шаклида безак берилган. Валенкалар ичига паркнинг электр тармоғига уланган қизитиш элекментлари жойлаштирилади. Эриган сув учун валенка остида махсус резервуар кўзда тутилган. Шу боис оёқ кийимни ечмай туриб, валенкада исиниб олиш мумкин бўлади.
Ушбу инновацион валенкалар паркда март ойининг охиригача ишлайди.
