Nokia рингтони — мобиль алоқа рамзининг тарихи
Adweek нашри Nokia рингтонининг яратилиш тарихини ёдга олди. Ушбу оҳанг бугун сайёрамизда энг кўп жаранг сочади. Экспертлар унинг бу қадар оммалашувнинг сабабларини ҳам ўрганишган.
13 нотадан иборат Nokia оҳангининг мобиль инқилобнинг саундтрекига айланганига кўп бўлгани йўқ. Ўтган ўн йиллар давомида жаҳоннинг “1-” рақамли мобиль телефон ишлаб чиқарувчисининг телефонларидан қишлоқдаги оддий деҳқондан тортиб, давлат раҳбарларигача фойдаланишди.
Нью-Йорклик Одри Арбини ўзининг Audiobrain овоз ёзиш студияси ташкил этадиган “Мусиқани тахмин қил” шоусини ўтказиш мобайнида аудиторияга бир нечта мусиқаларни қўйиб эшиттиради.
«Одамлар Intel, NBC каби брендларнинг мусиқасини билмаслиги мумкин, бироқ мен бирор марта бўлсин, Nokia’нинг рингтонини топа олмаган одамни эслай олмайман, — дейди Арбини.
Гарчи, Microsoft корпорацияси 2013 йилда Nokia’ни $7,6 миллиард долларга сотиб олган бўлса ҳам, жаҳонда айни дамда ҳам бу бренднинг фойдаланилаётган 1 миллиард донага яқин телефонларини топиш мумкин. Бугун, Nokia рингтони илк маротаба янграганидан 20 йил ўтиб ҳам, у ҳар сонияда Ер шарининг турли нуқтасида 20 минг маротаба янграётган бўлади.
2 та 10 йиллик — хит мусиқалар сафидан чиқиб кетиш учун етарли фурсат. Қолаверса, унинг оригинал талқини 1902 йилда ёзилганини инобатга олсак, унинг қанчалар қулоғимизга яқин ўрнашганини ҳис қилиш мумкин. Мусиқа илк маротаба испан гитаристи Франсиско Таррега томонидан Gran Vals вальси номи билан ижро этилган.
Nokia 1992 йилда бу классик мусиқадан бир парчасидан ўз рекламасида фойдаланади. Ушбу Фрагмент компаниянинг собиқ вице-президенти Ансси Ваньоки томонидан танланган эди. Йиллар ўтиб, Nokia 2110 телефони тақдим этилгач, унинг бош овозли сигнали сифатида Тарреги вальсидан олинган оҳанг «Nokia tune номи остида татбиқ қилинган эди.
Chase Design Group дизайн студияси президенти Крис Лоурига кўра, Nokia рингтони фойдаланувчиларига қурилмаларида шахсий алоқа ўрнатиш беминнат хизмат қилган. Бу дўстлик ва ҳамкорлик оҳанги эди.
Nokia рингтони нафақат компания ҳаёти, бутун бошли мобиль саноат ва инсониятнинг алоқа қуриш маданиятида муҳим аҳамият касб этган. Орадан қанча вақт ўтмасин, Nokia рингтони мусиқий алоқа рамзи бўлиб қолади.
