Nubia Z11 Max: инновация доирасидаги фаблет савдога чиқарилди
ZTE компанияси ўзининг навбатдаги Nubia Z11 Max фаблетини расман намойиш қилди. Мазкур гаджет Хитой ва халқаро смартфон бозорида Xiaomi Max фаблети билан рақобатга киришади.
Смартфон металл корпусга эга бўлиб, экран атрофи 2.5D туридаги шиша ҳошия билан ўралган. Бунгача компания апрелда Nubia Z11 Mini’ни моделини намойиш қилган эди.
6 дюймли смартфон Super AMOLED экран, Full HD (1920 х 1080 пикселли) сиғимли намойиш билан таъминланган. Экран Corning Gorilla Glass 3 ҳимоя шишасига эга.
Гаджет 4 ГБ тезкор хотира, 1,8 ГГц частотада ишлайдиган 8 ядроли Qualcomm Snapdragon 652 процессорида ишлайди. Фаблетнинг доимий ички хотираси 64 ГБ. Шунингдек, microSD хотира бўлмачаси ёрдамида унинг хотирасини 256 ГБ.гача ошириш мумкин.
ZTE Nubia Z11 Max 16 МП бош ва 8 МП олд камераларга эга. Бош камера фазали автофокус, LED фоточақноққа ҳамда бир қатор инновацияларга эга.
Мобиль алоқа воситасининг аккумулятори 4000 мА соат электр токи сиғимига эга. Quick Charge 3.0 тезкор қувватлаш технологияси жорий қилинган қувват тоши 30 дақиқада 83 %га тўлади.
Смартфон орқа панелидан бармоқ излари сканери жой олган. Алоқа воситаси LTE ва VoLTE, Bluetooth 4.1, Wi-Fi, GPS, NFC ва FM-радио мобиль алоқа тармоқларини қўллаб-қувватлайди. Шунингдек, қурилма интерфейсида USB Type-C порти мавжуд. Фаблет Android 5.1.1 Lollipop’нинг мослаштирилган талқинида фаолият кўрсатади. Фаблет бўйига 159,1 мм, энига 82,2 мм бўлиб, қалинлиги 7,4 мм, вазни 185 грамм.
Кулранг, тилларанг ва кумуш ранг корпусли талқинда тақдим этилган ZTE Nubia Z11 Max 16 июндан бошлаб Хитой бозорига 304 АҚШ доллари нархида Хитойда сотувга чиқарилди.
18 июнь куни савдога фаблетнинг футболчи Криштиану Роналду фаолиятига бағишланган Cristiano Ronaldo Collector’s Edition талқини сотувга чиқади. Бу махсус талқин баҳоси $349 доллар бўлиб, унинг орқа панели ва мавзули обойларида бразилиялик спортчи суратлари туширилган бўлади. Шунингдек, бу талқин харидорига Ronaldo ҳимоя чехоли, селфи-таёқчаси ҳам тақдим қилинади.
