Соф олтин корпусли OnePlus 5 ўрта нархда тақдим қилинди!
Сўнгги вақтларда смартфон саноатининг ёш брендлари ҳам мобил телефонларини қимматбаҳо металли элементлар билан ишлаб чиқаришдан ҳайиқишмаяпти. Жумладан, бир муддат аввал Xiaomi компанияси mi6 флагманининг камера ҳошиясини тилла металл билан ўраб олган бўлса, бу гал OnePlus компанияси яқинда тақдим қилинган OnePlus 5 флагманининг олтин корпусли талқинини чекланган нусхада намойиш қилди.
Ишлаб чиқарувчининг мақтанишича, тилла корпусни ишлаб чиқариш учун 180 кун мобайнида сайқаллаш ишлари олиб борилган.
Техник жиҳатдан эса "зар смартфон" 6 гигабайтли тезкор ва 64 ГБ доимий хотира, 5.5 дюймли Optic AMOLED матрицали FHD экран, 8 ядроли Snapdragon 835 процессори ва Adreno 540 видео-картаси, 3,300 мА соат ток сиғимига эга ва тезкор қувват олувчи аккумулятор, 16 + 20 мегапикселли сенсорлар бирикувидан иборат бош камера, 16 МП олд камера, Android 7.1 Nougat'нинг Oxygen OS тизими билан таъминланган.
Бу галги "тилла корпус" Soft Gold OnePlus 3 каби, олтин рангда товланмайди. У ёруғлик остида кумуш ранг талқинга ўхшаб қолади. Шундай бўлса ҳам, бош камера ҳошияси, қувватлаш порти, орқа панелдаги логотипга зарҳал билан ишлов берилгани флагманга серҳашамлик бағишлайди.
OnePlus 5'нинг Soft Gold Variant нусхаси 7 август куни $479 доллардан сотувга чиқарилди.
