Ўтган ҳафта трендда бўлган топ 10 смартфон (ўттиз тўққизинчи ҳафта)

Янги смартфонларини тақдим қилган Apple ва Huawei охирги икки ҳафтада ўнталигимизда етакчилик қилган эди. Бу сафар машҳурлик чўққиси Xiaomi'га насиб қилган кўринади.

Mi Mix Alpha фақатгина консептуал қурилма бўлиши мумкин, бироқ у кишини ўзига шунчалик тортадики, сотиб олмаслиги аниқ бўлганлар ҳам унга қизиқмоқда.

Ундан кейинги ўринда Google Pixel 4 девайси турибди. Қурилма ҳали тақдим қилинмади (тақдимоти 15 октябрда бўлиб ўтади). Ваҳоланки, у ҳақда шунчалик кўп маълумот сизиб чиққанидан, у аллақачон тақдим қилиб бўлингандек гўё.

Huawei'нинг Mate 30 линейкасига бўлган қизиқиш камайди, лекин Apple'нинг iPhone 11 Pro Max'и ўтган ҳафтадаги учинчи поғонасини сақлаб қола олди.

Хитойликларнинг Mate 30 Pro'си икки поғона пастлади, ундан кейинги ўрин эса корейсларнинг Galaxy M30s'ига тегди. 

Ушбу чартимиздаги аксарият смартфонлар (iPhone 11 Pro Max'дан ташқари) ўзларининг 37 ҳафтадаги ўрнини сақлаб қололмаган бир пайтда Xiaomi Note 8 Pro саккизинчи ўриндан олтинчига кўтарилди.

Google'нинг тақдим қилинмаган яна бир смартфони, Pixel 4 XL, ҳам ўнталикка кира олди. Еттинчи ўрин. Ўта арзон Redmi 8A'га эса, номига мос, саккизинчи ўрин насиб қилди.

Қанчадан-қанча янги смартфонлар тақдим қилинган бўлишига қарамай, Galaxy A50 рўйхатимиздан анчадан бери ўрин эгаллаб келаётган смартфонлардан. Бироқ бу гал у тўққизинчи ўрин билан кифойдаланди; балки кейинги ҳафта хайрлашишимизга тўғри келар.

Охирги ўринни янги iPhone оиласининг энг арзон вакили iPhone 11 банд қилди. 

Шундай қилиб, iPhone 11 Pro, учта Mate 30 смартфони ва Realme XT чартимизни тарк этди.

Xiaomi Mi Mix AlphaҲозирги рейтинги: 1/Ўтган ҳафтадаги рейтинги: Топ ўнталикка кирмаган

Google Pixel 4Ҳозирги рейтинги: 2/Ўтган ҳафтадаги рейтинги: Топ ўнталикка кирмаган

Apple iPhone 11 Pro MaxҲозирги рейтинги: 3/Ўтган ҳафтадаги рейтинги: 3

Huawei Mate 30 ProҲозирги рейтинги: 4/Ўтган ҳафтадаги рейтинги: 2

Samsung Galaxy M30sҲозирги рейтинги: 5/Ўтган ҳафтадаги рейтинги: Топ ўнталикка кирмаган

Xiaomi Redmi Note 8 ProҲозирги рейтинги: 6/Ўтган ҳафтадаги рейтинги: 8

Google Pixel 4 XLҲозирги рейтинги: 7/Ўтган ҳафтадаги рейтинги: Топ ўнталикка кирмаган

Xiaomi Redmi 8AҲозирги рейтинги: 8/Ўтган ҳафтадаги рейтинги: Топ ўнталикка кирмаган

Samsung Galaxy A50Ҳозирги рейтинги: 9/Ўтган ҳафтадаги рейтинги: 7

Apple iPhone 11Ҳозирги рейтинги: 10/Ўтган ҳафтадаги рейтинги: 6

ЎҚИНГ: Ўтган ҳафта трендда бўлган топ 10 смартфон (ўттиз саккизинчи ҳафта)