Ўтган ҳафта трендда бўлган топ 10 смартфон (қирқинчи ҳафта)

Охирги бир неча ҳафта ичида фақат ўтган ҳафтада эътиборга молик янги смартфон тақдимоти бўлмади, акс ҳолда бу бизнинг ўнталигимизда ўз сўзини айтар эди.

Биринчи ўринда, ўтган гал ҳам бўлганидек, Xiaomi Mi Mix Alpha турибди.

Хитойликлар қурилмасидан кейинги ўринларда мос равишда анча машҳурликка эришаётган Samsung Galaxy M30s ва Galaxy A70s смартфонлари турибди. 

Ўтган ҳафтадаги ўрнини ҳеч қайси қурилмага бўшатмаган OnePlus 7T кучли учталикдан кейинги ўринни забт этган бўлса, яна бир Xiaomi телефони — Redmi Note 8 Pro топ ўнталикнинг қоқ ўртасида.

Apple'нинг янги энг премиум гаджети iPhone 11 Pro Max'га бўлган қизиқиш сусайган шекилли уч поғона пастлаб, олтинчилик билан кифояланди. Ҳали тақдимоти бўлмаган Realme X2 Pro эса еттинчи ўринни банд қилди.

Ҳар гал такрорлаганимиздек, "Уч юлдуз"нинг Galaxy A50'и чартимизда энг узоқ қолган смартфонлардандир. Ўтган ҳафтадаги постимизда: "...балки кейинги ҳафта хайрлашишимизга тўғри келар", деб тахмин қилган эдик. Бироқ адашган эканмиз: ишқибозлари Galaxy A50'ни топ ўнталикдан чиқиб кетишига йўл қўймади. Смартфон бир поғона юқорилаб, 8 ўринни эгаллади.

Энг охирги икки ўрин рўйхатимизга янги қўшилган Xiaomi Mi A3 ва Realme 5 Pro'ларга насиб қилди. 

Xiaomi Mi Mix AlphaҲозирги рейтинги: 1/Ўтган ҳафтадаги рейтинги: 1

Samsung Galaxy M30s

Ҳозирги рейтинги: 2/Ўтган ҳафтадаги рейтинги: 5

Samsung Galaxy A70sҲозирги рейтинги: 3/Ўтган ҳафтадаги рейтинги: Топ ўнталикка кирмаган

OnePlus 7TҲозирги рейтинги: 4/Ўтган ҳафтадаги рейтинги: 4

Xiaomi Redmi Note 8 ProҲозирги рейтинги: 5/Ўтган ҳафтадаги рейтинги: 6

Apple iPhone 11 Pro MaxҲозирги рейтинги: 6/Ўтган ҳафтадаги рейтинги: 3

Realme X2 ProҲозирги рейтинги: 7/Ўтган ҳафтадаги рейтинги: Топ ўнталикка кирмаган

Samsung Galaxy A50Ҳозирги рейтинги: 8/Ўтган ҳафтадаги рейтинги: 9

Xiaomi Mi A3Ҳозирги рейтинги: 9/Ўтган ҳафтадаги рейтинги: Топ ўнталикка кирмаган

Realme 5 ProҲозирги рейтинги: 10/Ўтган ҳафтадаги рейтинги: Топ ўнталикка кирмаган

ЎҚИНГ: Ўтган ҳафта трендда бўлган топ 10 смартфон (ўттиз тўққизинчи ҳафта)