Ўзбекистон кибер хавфсизлик бўйича йирик конференция ўтказилувчи давлатлар қаторидан жой олди
30 май куни Тошкент шаҳрида илк марта “Ахборот хавфсизлиги коди” конференцияси бўлиб ўтади. Ушбу йил конференцияни 5 та давлат (23 та шаҳарда) қабул қилади ва унда иштирок этиш мутлақо бепул.
Халқаро анжуман Ўзбекистон Республикаси Ахборотлаштириш ва телекоммуникациялар соҳасида назорат инспекцияси иштирокида ва кўмагида ўтказилмоқда. Тадбир Citizen Hotel меҳмонхонасида бўлиб ўтади.
Конференция дастури кибер хавфсизлик бўйича ўзбек ва рус экспертларининг соҳага оид энг сўнгги трендлар муҳокамаси билан бошланади. “Технологиялар”, “Инсонлар” секцияларида вендор ва интеграторларнинг ички ва ташқи хавфлардан ҳимоя қилиш бўйича янги ечим ва таклифлари ҳақида сўз боради.
“Ахборот хавфсизлиги коди” конференцияси 15 йилдан буюн ўтказилмоқда. Мутахассислар ва журналистлар ушбу линк орқали рўйхатдан ўтиб, тадбирда бепул иштирок этиши мумкин: https://tashkent.codeib.ru/
