«Ўзбектелеком» янги тармоқни ишга туширди
«Ўзбектелеком» AК «Uz-IX» пиринг тармоғи лойиҳасини йўлга қўйди. Ушбу пиринг тармоғининг ташкил этилиши жаҳонда оммабоп Интернет-ресурслар ва порталларни маҳаллийлаштириш, шунингдек, Интернет тармоғига уланиш хизматларининг арзонлашишига ижобий таъсир кўрсатадиган юқори сифатли миллий контентни ривожлантириш бўйича лойиҳаларни шакллантириш имконини беради.
Хорижий мамлакатлар тажрибасидан келиб чиққан ҳолда, мамлакат ҳудудида Интернет-трафикнинг маҳаллийлаштирилиши камида 60 % ни ташкил этади. Мазкур лойиҳани Ўзбекистонда амалга ошириш халқаро Интернет канални юклаб олишни оптималлаштириш ва Интернет-ресурсларнинг оқилона тақсимланишини таъминлаши имконини беради.
«Uz-IX» тармоғи – бу «Ўзбектелеком» AК бошқарувидаги инфратузилма бўлиб, унда барча иштирокчилар (пиринг ҳамкорлари) бир-бирлари билан тўғридан-тўғри трафик алмашиш имкониятига эгалар.
Пиринг тармоғининг иштирокчиси Интернет тармоғидан фойдаланиш бўйича хизматлар (Интернет-провайдерлар, мобил алоқа операторлари), хостинг хизматлари (контент провайдерлари), медиа-контентга уланиш хизматларини тақдим этувчи хизмат кўрсатиш ва фаолияти учун тегишли амалдаги лицензияга эга бўлган юридик шахс бўлиши мумкин.
Шуни алоҳида таъкидлаш керакки, «Uz-IX» янги пиринг тармоғининг ташкил этилиши амал қилиб турган «TAS-IX» пиринг тармоғининг муқобили ёки унинг ўрнига яратилмади. «Ўзбектелеком» AК аввалгидек «TAS-IX» ННТ аъзоси ва МУТЎҲМ алмашув пункти фойдаланувчисидир.
ЎҚИНГ: Коммунал тўловлардаги қарздорликлар ҳақида Telegram орқали маълумот оламиз!
