Paint 3D дастурининг мобил версияси тайёрланмоқда
Аввалроқ АҚШнинг Microsoft компанияси барчага яхши таниш бўлган Paint дастурини қайта дизайнлаётгани тўғрисида хабар берган эдик. Бундан бир неча кун аввал эса Редмонд фирмаси бошқа қурилмалар қаторида мазкур дастурнинг 3D функция билан бойитилган ва йирик ўзгаришлар қўлланган версиясини намойиш этган эди.
Microsoft расмийларидан бўлган Дона Саркарнинг маълум қилишича, Paint 3D дастурининг Windows 10 платформасига мўлжалланган версияси тез орада пайдо бўлади. Гарчи расмий вакил ушбу дастурнинг Windows 10 Mobile (телефон ва планшетлар учун) иловаси ҳақида ҳеч нарса демаган бўлса-да, интернет тармоғида тарқалган маълумотларга қараганда Paint 3D дастурининг Windows 10 Mobile платформасида ишлайдиган иловаси ҳам Windows Creators Update орқали чиқарилиши мумкин.
