Paper Planes: қоғоз самолётчани дунёнинг нариги чеккасига юборинг!
Active Theory компанияси фойдаланувчига виртуал қоғоз самолётчаларни учириш ва бошқалар учирган “бегона” самолётчаларни тутиб олиш имконини берувчи Paper Planes веб-иловасини ишга туширди. Ҳар бир шундай самолётчага фойдаланувчи ўзи истиқомат қилаётган жой номини ёзади, сўнг уни “буклаб”, дунё бўйлаб саёҳатга учириб юборади.
Paper Planes фақат телефонларда ишлайди. Фойдаланувчи мобил браузерда paperplanes.world сайтини очиши (Android қурилмалар учун мобил илова ҳам бор), сўнг экрандаги кўрсатмалар бўйича ҳаракат қилиши керак: штамп қўйиши, бармоқлари билан самолётчани “ясаши”, телефонни горизонтал ҳолатга ўтказиб, кескин ҳаракат билан уни учириб юбориши керак.
Иловада қилинадиган иккинчи иш — бегона самолётчаларни тутиб олиш. Бунинг учун экранда матрап (сачок) пайдо бўлиши билан телефонни силкитиш керак. Тутиб олинган самолётчани очиб кўриш, у қаерларда бўлгани билан танишиш, сўнг штамп босиб, яна саёҳатга чиқариб юбориш мумкин.
Агар омад келиб қолса, жуда кўп саёҳат қилишга улгурган самолётчани тутиб олиш мумкин.
