Қандай қилиб «Синий экран смерти» (BSOD) муаммосидан қутулиш мумкин?

Саид Мамуров
1465
17.05.2016 16:19

«Синий экран смерти« хатоси ҳақида олдинги мақолада ёзиб ўтдим, яъни бу хатоликни юзага келиш сабаблари тўғрисида. Сабабларини билиб олдик, энди бу хатони қандай бартараф этиш кераклигини кўрсатиб ўтаман. Бу муаммони ечиш учун, хатолик кодини билиб олиш лозим. Кўп ҳолларда бу хато экранга чиқиб, дарҳол компьютер қайтадан юкланади, бу ҳолатда сиз хатолик кодини ёзишга ҳам улгурмайсиз. Бундай бўлишига сабаб, операцион тизим созлашида шундай берилган. Бундай бўлмаслиги учун, қуйидаги амални бажариб қўйишимиз лозим.

Windows XP учун:

Пуск — Настройка — Панель управления — Система — Дополнительно — Загрузка и восстановление — Параметры- Отказ системы.
Windows 7,8 учун:

Пуск — Панель управления — Система — Дополнительные параметры системы —(вкладка)Дополнительно — (раздел) Загрузка и восстановление» — Параметры.

«Выполнить автоматическую перезагрузку«дан белгилашни олиб ташланг.

Шундан сўнг, хатолик чиқганда бемалол кодини ёзиб олишингиз мумкин, хатолик коди экраннинг пастки қисмида бўлади ва «0х0000008е» кўринишида берилади. Хатолик коди маълум бўлгандан сўнг, интернет орқали қандай хатолик содир бўлганини билиб олишинги мумкин.

Хатолик аниқ бўлгандан сўнг, муаммога қараб қуйидагиларни бажаришингиз мумкин.

1. Агар муаммо бирор драйверда бўлса, яхшилаб ўйлаб кўринг, яқин кунлар ичида қандай драйвер ўрнатгансиз. Агар тизимга киришнинг имкони бўлмаса, «безопасный режим» орқали кириб(Ф8 тугмасини босган ҳолда), ўша драйверни ўчириб ташланг ёки эски версиясига қайтинг(откат). Сиз ўрнатган драйвер, айнан сиз ҳоҳлаган қурилманинг драйвери бўлмаслиги ҳам мумкин, бу ҳолда шу қурилманинг сайтига кириб, ўз драйверини кўчиринг ва ўрнатиб олинг.

2. Агар драйверларни янгилаганингиздан сўнг ҳам, бу хатолик чиқса, Windows’нинг янгиланмаган версиясига қайтинг (Откатить обновления Wиндоwс). Бу ҳолда барча созлаш ва янгиланишлар кўрсатилган санага қайтади.

3. Агар бир неча дастурлар бир — бири билан ишлай олмаётган бўлса, улардан бирини ўчиринг ёки янги версиясига алмаштиринг, кўп ҳолларда антивирус дастурлари бу ҳолга олиб келади. Ундан ташқари, агар мавжуд бўлса, файрвол дастурларини ҳам текшириб чиқинг. Бу дастурларни топишда, уларни қанчалик тизимга боғлиқлигини эътиборга олинг.

4. Агар сабаб вирусдан бўлса, бирор LifeCD антивирус дискини топиб, тизимни вирусдан текшириб чиқинг.

5. Операцион тизим файллари бузилган бўлса, яъни код хатолиги шуни англатса, тизимни қайта тикланг, бу ҳолда тизим файллари янгиланади.

6. Қаттиқ дискда бўш жойларни кўпайтиринг, керакмас ёки вақтинчалик файлларни ўчириб ташланг.

7. Оператив хотира, қаттиқ диск(винчестер)ларни ҳар хил тест дастурлари орқали текшириб чиқинг, керак бўлса алмаштиринг. Тест дастурлари орқали барча кичик хатоларни ҳам аниқлаб олишингиз мумкин. Агар тизимга кириб бўлмаса, юкланадиган тест дастурлари ҳам бор(тизим юкланмасдан шу дастур юкланади).

8. Компьютер ичини очиб, вентилятор ва радиаторларни текшириб чиқинг. Компьютер элементларини қизиб кетишига йўл қўйманг.

9. Агар ҳеч қайси йўл билан бу хатони йўқотаолмасангиз, операцион тизимни қайтадан ўрнатинг, лекин асосий диск(С) ичидиги файлларингиздан айрилиб қоласиз.

Юқоридагилардан маълум бўлдики, бу хатоликнинг энг асосий сабаби, хато ўрнатилган драйвер ёки қурилмаларнинг носозлиги.

Баъзи ҳолларда, компьютерни ўчириб ёққандан сўнг, бу хатолик йўқолиб кетади, кўпчилик бўлди хато йўқ деб ўз ишларини давом эттираверишади, лекин бу яхши эмас, хато чиқдими демак нимадир нотўғри ишламоқда, буни сабабини топиш лозим.

Барча хатоликларни, операцион тизим дамп файл қилиб йиғиб боради, агар сиз хатолик чиқган пайтда, хато рақамини ёзиб олишга улгурмаган бўлсангиз, шу дамп файл орқали билиб олишингиз мумкин.

Махсус дамп файлларни ўқувчи утилита мавжуд, бу утилита BlueScreenView деб номланади. Утилита орқали барча тизим ҳосил қилган барча дамп файлларни ўқишингиз мумкин.