Xiaomi Mi CC9 Pro қайси процессорда ишлаши айтилди
Xiaomi Mi CC9 Pro 5 ноябрь куни тақдим этилиши режаланган.
Ҳозирга қадар компания гаджетнинг бир неча техник жиҳатлари, жумладан, 32МП селфи камера, 5260 мА/соатли аккумулятор ва 30 ваттлик тез қувватлаш имконияти ҳақида маълумот берди. Бугун эса смартфонга қайси процессор ўрнатилганлиги айтилди. Бу ҳақда GSMArena хабар бермоқда.
Бундан олдинги миш-мишларни тасдиқлаган ҳолда, компания Weibo'даги постида Mi CC9 Pro Snapdragon 730G чипи билан жиҳозланганини эълон қилди. Бу эса смартфоннинг Snapdragon 855+ процессорида ишлашини кутаётганларнинг ҳафсаласини пир қилди.
Яна бир постда эса, янги билдиршнома келганда экраннинг четлари ёниши кўрсатилган GIF тақдим қилинди.
Mi CC9 Pro'нинг тақдимотига саноқли кунлар қолди, аммо унгача беш камерали бу смартфоннинг яна бир нечта хусусиятлари ошкор қилиниши мумкин. Тафсилотларни биз билан кузатиб боринг.
Ҳасанбой Умаров тайёрлади.
ЎҚИНГ: Xiaomi Mi Note 10 (ёки CC9 Pro) смартфонининг камера хусусиятларига тавсиф берилди
