Робот-ўт ўчирувчи

Ўрмон ёнғинлари табиатга, теварак атрофга, наботот ва ҳайвонот оламига ғоят катта талофат келтиради. Бундай турдаги ёнғинларни бартараф этиш учун ҳукуматлар йирик маблағ сарфлайди.

Ана шундай муаммоларни чуқур ўрганган Гонконгнинг Insight Robotics компанияси махсус лойиҳа таклиф этмоқда. Яъни улар юқори технологияли тутун детектори—робот-ўт ўчирувчини ишлаб чиқди. Ускунага жойга қараб ҳаракатларини ўзгартувчи сўнги авлод датчиклари ўрнатилган.

Мазкур лойиҳа қатнашичларидан бири Рекс Шам “Роботда 2 та камера мавжуд: улардан бири – иссиқлик, иккинчиси эса ёрғликни бир меъёрда ушлаб турувчи детекторлар билан жиҳозланган. Пиромтерли камера сониясига 50 та кадр олади ва бизга етказилган мавжуд алгоритмлар, яъни ёнган, ёнаётган жисмлар кўрсатгичлари қайта ишланади”, дейди.

Қурилманинг кузатув радиуси 5 километрдан кам эмас.

“Шундан сўнг ёнғин ўчоқлари аниқлангач, қўшимча навигация ускуналари орқали оловни тўхтатиш мумкин. Сўнг мазкур жой харитадан аниқланиб, ёнғин бўйича умумий қарор қабул қилинади”, дея қўшимча қилди Рекс Шам.

Ҳозирда мазкур лойиҳа бир неча мамлакатларда синовда ўтказилмоқда. Бордию натижалар муваффақиятли бўлса, ёнғин хавфсизлиги хизматига ана шундай техникалар жалб қилиш турган гап.