Самарқандда йўл ҳаракатини видеокамера назорат қилмоқда
Охирги пайтда йўл ҳаракати хавфсизлиги ходимлари қоидабузарликларни аниқлашга катта эътибор қаратмоқда. Шунинг муносабати билан Боғишамол кўчаси ва Регистон майдони ёнидаги кўча чорраҳасида видеокамера ўрнатилган. Ҳаракат хавфсизлигини таъминлаш ва фавқулодда ҳолатларни батафсил ўрганишда камераларнинг роли катта.
Ҳозирда учта чорраҳага камералар ўрнатилди. Бундан ташқари Самарқандда яна еттита жойга ўрнатиш режалаштирилмоқда. Камера автомобиль белгиларини 300 метр масофадан аниқлай олади. Электр ўчганида видеокамера ва светофор махсус аккумулятордан қувватланиб ишлайди.
