Samsung Chromebook Pro сотила бошланди
Samsung 2017 йилнинг январида ўтказилган Электроника маҳсулотлари кўргазмасида Google билан ҳамкорликда тайёрлаган Chromebook Pro ноутбукини намойиш қилган эди. Рақамли “қаламча”ли гаджет Android иловаларни қўллаб-қувватлагани боис, уни сотувга чиқариш бир оз кечиктирилган эди. Девайс Google Play’даги 2 миллиондан зиёд иловаларни ўқий олади.
Металл корпусли Chromebook Pro моделини ишлаб чиқди. Қурилмага 2400 Х 1600 аниқлигидаги 12,3 дюймли экран ўрнатилган. Махсус қаламча ёрдамида экранга ёзиш ёки сурат солиш мумкин.
Модел юпқа ва замонавий металл корпус билан ажралиб туради, унинг қалинлиги – 12, 9 мм, оғирлиги эса 1, 08 кг. Ноутбук корпуси силлиқ қирраларга эга, бу эса корпус шаклдорлигини сезиларли даражада оширган. Агар Pixel туркумидаги моделларни ҳисобга олмасак, у премиум туркумдаги ягона хромбук ҳисобланади.
Ноутбукка 4 ГБ тезкор ва 32 ГБ доимий хотира, 6 ядроли частотаси 2 ГГц бўлган процессор ўрнатилган, USB-C порти, хотира картаси бўлмачаси ёрдамида хотирани кенгайтириш мумкин. Қурилма аккумулятори 10 соатлик ишлаш давомийлигини таъминлайди.
Amazon интернет дўкони айни пайтда Samsung Chromebook Pro учун аввалдан буюртма олишни бошлади. Унинг учун $549.99 доллар сўралмоқда. Гаджет расман тақдим этилгач, яъни 28 майдан етказиб берилади.
