Samsung Chromebook Pro sotila boshlandi
Samsung 2017 yilning yanvarida o‘tkazilgan Elektronika mahsulotlari ko‘rgazmasida Google bilan hamkorlikda tayyorlagan Chromebook Pro noutbukini namoyish qilgan edi. Raqamli “qalamcha”li gadjet Android ilovalarni qo‘llab-quvvatlagani bois, uni sotuvga chiqarish bir oz kechiktirilgan edi. Devays Google Play’dagi 2 milliondan ziyod ilovalarni o‘qiy oladi.
Metall korpusli Chromebook Pro modelini ishlab chiqdi. Qurilmaga 2400 X 1600 aniqligidagi 12,3 dyuymli ekran o‘rnatilgan. Maxsus qalamcha yordamida ekranga yozish yoki surat solish mumkin.
Model yupqa va zamonaviy metall korpus bilan ajralib turadi, uning qalinligi – 12, 9 mm, og‘irligi esa 1, 08 kg. Noutbuk korpusi silliq qirralarga ega, bu esa korpus shakldorligini sezilarli darajada oshirgan. Agar Pixel turkumidagi modellarni hisobga olmasak, u premium turkumdagi yagona xrombuk hisoblanadi.
Noutbukka 4 GB tezkor va 32 GB doimiy xotira, 6 yadroli chastotasi 2 GGs bo‘lgan protsessor o‘rnatilgan, USB-C porti, xotira kartasi bo‘lmachasi yordamida xotirani kengaytirish mumkin. Qurilma akkumulyatori 10 soatlik ishlash davomiyligini ta’minlaydi.
Amazon internet do‘koni ayni paytda Samsung Chromebook Pro uchun avvaldan buyurtma olishni boshladi. Uning uchun $549.99 dollar so‘ralmoqda. Gadjet rasman taqdim etilgach, ya’ni 28 maydan yetkazib beriladi.