Samsung`дан 100 долларлик планшет

Samsung компанияси арзон, ҳамёнбоп, фойдаланувчиларга манзур бўладиган янги қурилма, яъни 8-дюймли  плашет ишлаб чиқаришни режалаштирмоқда. Бу ҳақида компанияга яқин махсус манбалар маълумот тарқатган.

Инсайдерларнинг аниқлашича, Samsung мутахассислари ишчи номи «SM-T375S» бўлган янги лойиҳа устида аллақачон иш бошлаган ва маълум бўлдики, қурилма Bluetooth учун сертификат олган ҳамда Wi-Fi учун WiFi Alliance`нинг сертификация жараёнидан ўтган. Тахминларга кўра, янги қурилманинг нархи 100 АҚШ долларидан ошмайди. Мутахассислар бренднинг бундай арзон маҳсулоти дунё бўйлаб жуда харидоргир бўлишини тахмин қилашаяпти. Ҳозирча қурилманинг техник имкониятлари ҳақида хабарлар мавжуд эмас.

Шунингдек, компания ҳақида яна бир тасдиқланмаган гап тарқади. Миш-мишларга қараганда, Samsung эшитиш аппаратлари бозоридан чиқиб кетишни режалаштирмоқда. Компания вакиллари эса бу қарорнинг сабаблари  ҳақида бирор изоҳ бермаган.