Samsung Galaxy C9 Pro: камерада олинган илк суратлар
2017 йилнинг январида намойиш қилинган Galaxy C9 Pro фаблети яқинда сотувга чиқарилди. Фойдаланувчилар қўлига етиб борган Samsung смартфони металл корпус, 6 дюймли full HD Super AMOLED экран, 64 бит ва 8 ядроли Snapdragon 653 процессор, 6 гигабайтли тезкор ва кенгайтириш мумкин бўлган 64 ГБ доимий хотира, HiFi технологиясига эга аудио тизим, 4,000 мА соатли батарея билан улкан экранли планшетофонлар орасида ажралиб туради.
Ишлаб чиқарувчининг фикрича, халқаро бозорда 575 АҚШ долларидан сотилаётган Samsung Galaxy C9 Pro сурат олишда ҳам энг зўр флагманларни доғда қолдиради. Унинг ҳам олдида, ҳам орқасида апертура линзаси f/1.9 бўлган 16 мегапикселли камера модуллари бор. Яъни, ҳам селфи, ҳам видеолар олишда фаблет юқори имкониятларга эга.
Samsung Galaxy C9 Pro’да олинган қуйидаги суратларга баҳо беринг.
Гувоҳи бўлганимиздек, Samsung Galaxy C9 Pro чиндан ҳам, рангларга тўйинган, табиийлик муҳрланган сифатли суратларни муҳрлаш кўникмасига эга. Ёруғлик паст шароитда ҳам, смартфондаги кенглиги f/1.9 бўлган апертура линзаси ёруғликни осон жамлайди ва унга бошқа камерафонларга қараганда сифатли сурат олишига ёрдам беради. Суратлар аниқ-тиниқ ҳамда деталларга бой.
Galaxy C9 Pro автофокуси бир оз сустроқ бўлгани боис, сурат олаётганда имкон қадар қўлни барқарор тутиб, қимирлатмасликка ҳаракат қилинг.
Яна бир аҳамиятли жиҳати — Galaxy C9 Pro аслида сурат олишга эмас, филм томоша қилиш ва ўйин ўйнашга мўлжалланган фаблет.
