Galaxy Note FE: 07.07.2017'да расман сотувга чиқарилди
Samsung компанияси 2017 йилнинг 6 июлида Galaxy Note 7 фаблетининг қайта тикланган моделини қайта тақдим қилди ва девайси 7 июль куни Корея смартфон бозорига чиқарилди. Қурилма бренд мухлислари шарафига Galaxy Note FE (Fan Edition) деб номланди ва техник жиҳатдан оригиналидан бир оз фарқ қилади. Аслидан энг муҳим фарқ батарея сиғимида — энди 3500 эмас, 3200 мА соат. Шунингдек, флагманда Galaxy S8'га хос интерфейс, жумладан Bixby виртуал ёрдамчиси жорий қилинган.
Интернет
тармоғида Galaxy Note FE смартфони қадоқдан олинган илк видеолар тарқалди. Натижада, фаблет мухлислари девайс билан
яқиндан танишиш имконига эга бўлдилар. Хусусан, смартфон қадоғи устида кўк рангда
юракча шакли туширилган. Бу бренд мухлисларининг Samsung'га бўлган оқибатлари тимсоли бўлса, ажаб эмас.
Қолган жиҳатлари билан бу қадоқ Galaxy S8'нинг
коробкасини эслатиб юборади: ичкари қисмида
аппаратнинг ўзи, қувватлаш адаптери, USB-C кабели, переходниклар жамланмаси, SIM-карталар
учун тўғноғич, гарнитура ва қўлланмалар мавжуд. Galaxy Note FE комплектида, шунингдек смартфон рангига
монанд китобча шаклидаги чехол ҳам бор. Бу компаниянинг ўзининг ишқибозларига атаган ёқимли совғаси.
Galaxy Note FE флагмани Qualcomm Snapdragon 821 процессори, 4 ГБ оператив хотира, сиғими 2560 x 1440 пикселли 5,7 дюймли Super AMOLED дисплейга эга бўлган. Металл корпус IP68 стандарти асосида сув ҳамда чангнинг таъсиридан ҳимояланган.
Фаблет 64 ГБ ёки 128 ГБ доимий хотирали талқинларда
ишлаб чиқарилмоқда. Аппарат кўк, тилла ва кумуш рангли талқинларда тақдим қилинган. Бор-йўғи 400 000 дона сотувга чиқариладиган Galaxy Note FE
$610 доллардан бошлаб сотилмоқда. Яъни, фаблет оригиналидан 30% га арзон.
Samsung Galaxy Note FE билан бирга харидорлар биометрик модул ўрнатилган Home номли клавишни, шунингдек S-Pen стилусини ҳам сотиб олишлари мумкин.
Қуйида Samsung Galaxy Note FE'нинг қадоқдан очилишига оид 5 дақиқалик видеони томоша қилишингиз мумкин.
