Samsung’нинг янги патентида ултратовушли бармоқ излари сканери батафсил таништирилган. Узун-қулоқ гапларга қараганда, ишлаб чиқарувчи ушбу қурилмани яқинда намойиш этилиши режалаштирилаётган Galaxy S10 линейкасининг учта смартфонидан иккитасига ўрнатади.

Қурилманинг яна бир маълум бўлган жиҳати, ушбу датчик чипини нафақат шиша тагига, балки ён тарафига ҳам жойлаштириш имконияти бор. Бу яқинда тарқалган Galaxy S10 Lite  ясси диплейли ва “ёнбош” сканерли бўлади, деган гап-сўзлар бекорга эмаслигини тасдиқлайди.

ЎҚИНГ:Бунақаси бўлмаган: Galaxy Note 9 буюртмачиларга Samsung Smart TV совға!

Samsung ички бармоқ излари сканерини ўрнатишни режалаштириб, лекин ҳали ҳаётга жорий қила олмаганидан кейин,   Note9, S10 моделлари Samsung‘ нинг ушбу технология билан таъминланган илк смартфонига айланса керак. Бундай қурилмалари билан шу вақтгача фақат Хитой ишлаб чиқарувчилари мақтана оларди.

Агарда ушбу технология муваффақиятли амалга оширилса,  у келажак смартфонларининг асосий тавсифларини белгилаб берадиган жиҳатларнинг бирига айланади. Шундай экан,  хақиқатга тик қарайлик: Юзни 3D-сканирлашни амалиётда энг қулай ва хавфсиз дейиш унчалик тўғри бўлмайди.

ЎҚИНГ:Samsung Gear Fit 2 Pro: спортга ошно этувчи браслетни харид қилиш учун 5 сабаб