Samsung мобил DRAM хотира бозорида етакчиликни сақлаб қолди

TrendForce аналитикларининг ҳисобларига кўра, жорий йилнинг 3 чорагида мобил DRAM хотира чипларининг савдоси 16,8 %га ўсиб, жаҳон миқёсида 4,59 млрд долларни ташкил қилган.

Ушбу турдаги хотира сегментига қарашли сотувларнинг 43,5 фоизи мобил DRAM чиплари улушига тўғри келмоқда. Манбанинг таъкидлашича, янги iPhone моделларининг чиқарилиши, шунингдек, Samsung Galaxy S7 смартфонларининг харидоргирлиги ушбу хотира бозорининг ривожланишига туртки берган.

Samsung мобил DRAM чиплари бозорида ҳалигача яққол етакчи бўлиб қолмоқда. Корейс технология гиганти ўтган чоракда мобил DRAM чиплар тайёрлашни 22,2 фоизга ошириб, умумий ҳисобда мазкур бозорнинг 64,5 фоизига эгалик қилмоқда. Ушбу чиплар компанияга 2,96 млрд доллар соф даромад келтирган.

Рўйхатнинг кейинги ўринларини SK Hynix (22,8%), Micron (8,3%) ва Nanya (1,3%) компаниялари банд этган.