Samsung сир тутиб келаётган икки экранли буклама смартфоннинг суратлари пайдо бўлди

Samsung икки экранли Galaxy X смартфонини яқин йилларда ишлаб чиқаришини расман маълум қилди. Маълум бўлишича, компания шундай форматда смартфон чиқариш лойиҳаси устида анчадан буён иш олиб бормоқда, ҳатто қурилманинг  Project V, деб номланувчи муқобили ҳақида ҳам маълум қилинган эди.

Project V шунга ўхшаш бошқа қурилмаларни эслатади, масалан,  у ZTE Axon M’га ўхшаб кетади. Смартфон яна бир дисплей ўрнатилган қопқоғи билан буклама конструкцияга эга. Очиб қўйилганда интерфейс режими икки экранга кенгаяди ва чамаси, шу режимда бир вақтнинг ўзида  иккита иловани ишга тушириш мумкин бўлади.

ЎҚИНГ: Galaxy S9 ва S9+ савдосида муаммолар кузатилмоқда

Қурилманинг интерфейси ва дизайнига қараб баҳолайдиган бўлсак, у 2014-2015 йилларда Galaxy S6 ва Note 5 билан бир вақтда ишлаб чиқарилган бўлиши керак.

Фақат, бир нарса тушинарсиз бўлиб турибди, ҳозирча. Компания ушбу муқобил телефондан нима сабабдан воз кечган экан? Балки, ўша вақтларда мобиль процессорларнинг кучи бир вақтнинг ўзида иккита экранда бемалол ишлашга камлик қилгандир. Нима бўлганда ҳам,  Samsung тез кунларда Galaxy X’ни намойиш қилиши керак ва ўшанда смартфонлар учун янги формат таклиф этилиши турган гап. Фақат, унинг нархи замонавий Galaxy S9’дан анча қиммат бўлади.

ЎҚИНГ: Samsung Galaxy Note 9 аккумулятори янада кучли бўлади