Samsung'нинг навбатдаги ҳамёнбопи билан танишинг
Samsung модель рақами SM-M115F/DS бўлган янги смартфон устида ишламоқда. Бу қурилма ўтган йилги Galaxy M10 ва M10s'ларнинг кейинги авлоди — Galaxy M11.
Тайваннинг NCC агентлиги сертификатини олган смартфоннинг расмлари ҳам сиздирилди.
Galaxy M11 анчайин катта — 5 000 мА/соат сиғимли аккумуляторда ишлаб, орқа панелда учта камера, олд томонда эса айлана тирқишли селфи модулга эга бўлади.
Расмлардан яна кўриш мумкинки, девайснинг орқа томонида бармоқ изи сканери қолдирилган. Бу эса экран LCD панель бўлади, деганидир. Юқори томонда 3.5 мм аудио тирқиш, пастда эса USB порт билан карнай жойлашган.
Афсуски, тасвирлардан қувват уяси microUSB ёки USB-C эканлигини аниқ эмас. Аммо M10s'да янги стандартдан фойдаланилганини инобатга олиб айтиш мумкинки, янги моделда ҳам USB-C қўлланилган бўлиши керак.
Galaxy S20 Ultra'ники билан бир хил сиғимдаги аккумулятор 15 ваттда қувватланади. Ҳажми борасида эса смартфон ўтган йилги «аждод»ларига қараганда бўйига узунроқ кўринади.
Galaxy M11 бутун глобал миқёсдаги сертификатга эга бўлгани сабаб тақдимот ҳам яқин бўлиши керак.
ЎҚИНГ: Samsung ҳам Redmi Note 9 Pro Max нархида «автономлик монстри»ни сотувга чиқарди
