Samsung энг кучли Exynos 9825 процессорини тақдим этди!
Samsung бугун Galaxy Note10 ва Note10+ смартфонларини намойиш қилиши режалаштирилган. Маросим олдидан компания янги смартфонларга ҳам ўрнатилган, яккакристалли Exynos 9825 платформасини тақдим қилди. Бу 7 нм лик технология асосида яратилган илк қурилма бўлмаса-да, уни яратишда ультрабинафшали литография қўлланилган ва бу бўйича у ростдан ҳам дунёда биринчи.
Exynos 9825’нинг Exynos 9820’дан асосий фарқи, уларнинг турли техножараёнда яратилганлиги бўлган: аввал 8 нм эди, энди эса 7 нм. Бунинг эвазига платформанинг самарадорлик даражаси ошиши керак, лекин катта фарқ сезилмайди.
Платформа конфигурацияси ўзгармаган. У аввалгидек иккиталик шахсий, юқори самарадорли ядер, яна иккита Cortex-A75 ядери ва тўртта Cortex-A55 ядеридан иборат бўлган жами саккиз ядерли процессорлигича қолган. GPU ҳам ўша-ўша - ARM Mali-G76 MP12. Частота ҳақида эса маълумот берилмаган. Янада мураккаброқ техжараён туфайли частота озроқ ошган бўлиши турган гап.
Exynos 9825 процессери ўрнатилган қурилмада 30 к/с частотада 8K ёки, 150 к/с частотада 4K видеоларни томоша қилиш мумкин. Унга LTE Cat. 20 модеми ўрнатилган, шунингдек, 5G Exynos Modem 510 ўрнатиш имконияти ҳам яратилган. Албатта, Сунъий интеллект вазифаларини бажаришга жавоб берувчи NPU (Нейрон процессор) ҳам платформадан жой олган.
Процессор 4K ёки WQUXGA (3840 x 2400 пиксел) аниқлигидаги экран, UFS 3.0 ва UFS 2.1 флеш-хотира, LPDDR4Х оператив хотира, 22 Мп фронтал ва 16 Мп жуфт камераларни қўллаб қувватлаши айтилган. Катта эхтимол билан ушбу хусусиятлар бугун намойиш қилинувчи смартфонларга тегишли бўлиши эҳтимоли юқори.
ЎҚИНГ: Galaxy Book S: биринчи сурати ва Geekbench тести натижалари
