Скотч қачон ихтиро қилинган ва нега ундай аталади?
Ҳозирда, кундалик турмушимизда энг оммалашган матоҳ – скотч қачон пайдо бўлганини биласизми? У илк бор 1930 йил сентябрь ойида Minnesota Mining and Manufacturing компаниясига эндигина ишга кирган ёш ходим Ричард Дрю томонидан ихтиро қилинганди. Ўша вақтда компания қумқоғоз ишлаб чиқариш билан шуғулланар ҳамда турли соҳада тадқиқот олиб борарди. Сув ўтказмайдиган материаллар устида иш олиб борилар, айниқса, целлофан устида экспериментлар ўтказилар эди. Ричард лаборатория техниги бўлиб ишлар ва қумқоғозни дўконларда ҳамда автосервисларда синов жараёнларини кузатиб борарди. Ўша жойда у бир неча рангда линияни бўяшда унчалик текис чиқмаганини кўради. Дрю ушбу муаммони бир йил ўтгач ҳал этди ва эни 5 сантиметр бўлган ёпишқоқ тасмани олиб келди. Иш вақтида тасма букланиб ажин тушгандай бўлиб қолди, чунки Ричард тежамкирлик қиламан деб тасманинг фақат чеккасига елим суртганди.
Ўшанда уста Дрюга киноя қилиб, бу тасмани янада ёпишқоқ қилиш учун ўзининг шотландиялик хўжайинларига жўнатиш лозимлигини айтади (Scotch bosses). Ўша вақтларда шотландияликлар жуда хасис, ҳисобланарди, натижада ХХ асрнинг энг зарур маҳсулоти Скотч, деган ном билан аталадиган бўлди. Ричард Дрю 5 йил мобайнида тасмани такомиллаштириш билан шуғулланди ва 1930 йилга келиб янги маҳсулотнинг илк ўрами мижозга жўнатилди. Дастлаб скотч овқатни ўрашда ишлатиларди, кейинчалик ундан фойдаланишнинг турли усуллари ўйлаб топилди. Бугунги кунда ушбу компания 900 номдаги Scotch тасмаларини ишлаб чиқаради. Тасма саноатнинг кўплаб тармоқларида ишлатилмоқда, жумладан: автомобилсозлик, электротехника, қурилиш ва албатта, моиший ҳаётимизда қадоқлаш материали сифатида кенг фойдаланилмоқда.
