Смартфонлар учун оптимал диоганаль экран ҳажми қандай?
Apple компанияси асосчиси Стив Джобс смартфонлар учун оптимал диоганаль экран 3,5 дюйм бўлиши керак, деб ҳисоблаган ва 2007 йилги биринчи iPhone ана шундай ўлчамда эди. Ҳозир эса вақт ўтди ва қурилмалар йириклашиб бормоқда. Ҳатто Apple компанияси ўз стандартларини бузишга ҳам улгурди.
Замонавий фойдаланувчилар қандай ўлчамдаги қурилмаларни маъқул кўришади? Strategy Analytics таҳлил компанияси шу масалани ўрганиб чиқди.
АҚШ ва Британияда ўтказилган сўровда иштирок этган респондентларнинг кўпчилиги идеал диоганални 5,3 дюйм, деб ҳисоблаганлар. 5-дюймни маъқул кўрувчилар иккинчи, 5,5-дюмга овоз берганлар учинчи ўринни эгаллаган. Америкаликлар европаликлардан кўра кўпроқ йирик диоганаль экранли аппаратлар сотиб олишади.
Strategy Analytics`нинг қайд этишича, ўтган 2014 йилда ҳам шундай кўрсатгич кузатилган ва яқин йиллар ўзгариши қийин.
Сўровда иштирок этганларнинг кўпчилиги ўзлари айни дамда тутаётган смартфондан йирикроғини афзал кўришларини маълум қилишган. Қурилмаларнинг қалинлиги улар учун кўп ҳам аҳамиятга эга эмас. Бундан ташқари, кўпчилик нисбатан қалин, аммо аккумулятор қуввати яхши ва кўп хизмат қиладиган смартфонларга кўниккан.
Шунга ўхшаш тадиқотларни бошқа компаниялар ҳам аввалроқ ўтказган эди. Масалан, ўтган йилнинг бошидаги PhoneArena сўровида натижалар бошқачароқ эди. Эътибор берсак, ўшанда 4 дюймдан кичикроқ смартфонга эътибор кам бўлган ва 4,5 дан 5 дюймгача бўлганларига қизиқиш кучли эди. Уч йиллар аввал 3,5-4 дюйм экранли смартфонлар 35 % фоиз овоз йиққан.
Шунингдек, DeviceAtlas компанияси ҳам жорий йилнинг ноябрь ойидаги тадқиқот ўтказди. Унда АҚШ, Япония, Австралия, Ҳиндистон, Нигерия ва Европанинг бешта йирик мамлакатлари фуқаролари иштирок этган. Ўшанда респондентларнинг кўп қисми 4,7-дюйм смартфонни маъқул кўришларини маълум қилган.
Сизга қандай ҳажмдаги смартфон ёқади? Ўз изоҳларингизни қолдиришингиз мумкин.
