Sony аккумуляторлари хизмат даврини 40 фоизга оширмоқчи
Япон компанияси батарея технологиясини такомиллаштирмоқчи. Nikkei Technology технологик портали хабарига кўра, компания батарея “умрини узайтириш”ни мақсад қилган.
Sony литий-ионли батареядан олтингугурт таркиблисига ўтмоқчи. Унда олтингугуртдан электрод материали сифатида фойдаланилади. Олимлар батареянинг энергия зичлиги 700 Вт/лдан 1000 Вт/лгача ортишини чамаламоқда, ўз навбатида хизмат даври ҳам 40 фоизга ошади. Янги авлод батареялари 2020 йилда чиқарилади.
Sony литий-ионли батарея ишлаб чиқариш ташаббускорларидандир. Бу унинг галдаги режаси муваффақиятига ишонч бағишлайди.