Sony флагман A6500 камерасини тақдим қилди

Япониянинг Sony компанияси созланадиган оптикали флагман – А6500 камерасини намойиш қилди. Бу борада компаниянинг махсус блогида хабар берилган. Мазкур модель шу йилнинг февраль ойида чиқарилган А6300 камераси ва 2014 йилда таништирилган А6000 моделларининг давомчиси сифатида тайёрланган.

Sony A6500 камераси 24,2 МПли APS-C форматидаги MP8 Exmor CMOS сенсор билан жиҳозланган, 425 нуқтадаги фазали автофокусга эга. ISO диапазони 100 дан 51 200 гача бўлган кўрсаткични ташкил қилади. Янги модель А6300га қараганда тезроқ суратга олади: сониясига 11 та кадр (автофокус ва 4К видео билан). Бундан ташқари, серияли сьёмка вақтида RAW форматида 307 та кадр олиш мумкин.

Флагманга бармоқ билан фокус нуқтасини ўзгартиришга имкон берадиган сенсорли дисплей ўрнатилган, электрон XGA OLED-видоискатели ҳам кўзда тутилган. Sony A6500 WiFi ва NFC интерфейсларини қўллаб-қувватлайди.

Камера ноябрь ойида сотувга чиқарилади. Нархи объективсиз 1400 доллар атрофида бўлади.