Speedtest: Ўзбекистон интернет тезлиги рейтингда юқорилади

Ирландиянинг Ookla компанияси Speedtest.net интернет-хизмати Speedtest Global Index’нинг ойлик рейтингини эълон қилди. Унда Ўзбекистон ўз позициясини бироз яхшилаган, деб ёзади «Дарё» нашри.

ЎҚИНГ: Speedtest статистикаси: қаерда мобил интернет энг тезкор?

Рейтингда 2019 йилнинг февраль ойига қадар дунёдаги мобил ва симли Интернет тезлиги ҳақидаги маълумотлар мавжуд бўлиб, Ўзбекистон ушбу рўйхатдаги ўрнини бироз яхшилаган. Мобил интернет тезлиги бўйича у икки поғонага кўтарилган ва 8,75 Мбит/с тезлик билан 136 дан 126-ўринни эгаллаган. Симли интернет тезлиги 11,68 Мбит/с тезлик билан 177 дан 130-ўринда қолган.

Айтиш керакки, мобил интернет тезлиги бўйича биринчи ўринни Норвегия (67,34 Мбит /с), симли интернет тезлиги бўйича Сингапур (195,36 Мбит/с) эгаллаган.

Speedtest рейтинги тезликни ўзи ҳисоблаб чиқади ва фойдаланувчиларнинг маълумотларига асосланган ҳолда яратади. Мазкур хизмат ойига камида 670 та ягона мобил интернет тезлиги синовлари ва 3333 та симли интернет тезлиги синовлари қабул қилинган мамлакатларни рўйхатга қўшган. Хизмат субъективлигига қарамасдан, Интернет тезлигини аниқлаш бўйича асосий хизматларидан бири ҳисобланади.

ЎҚИНГ: Speedtest синовидан «жонли» видео: Ўзбекистонда қайси уяли алоқа операторининг интернети энг тезкор?