Спортчимисиз? Унда, Samsung сизга совға беради!
Samsung 2020 йилги Олимпиада Ўйинларининг расмий ҳамкорларидан биридир.
Шунинг учун ҳам, кореялик компания БАРЧА қатнашчи спортчиларга совға қилиш учун ҳозирги флагманларининг махсус вариантларини яратмоқда.
Ёз фаслида Токио шаҳрида бўлиб ўтиши режаланган Ўйинлар учун техногигант аллақачон Galaxy S20+ 5G смартфоннининг Olympic Edition'ини Matte Gold рангида чиқарди. Бунда компания Япониянинг NTT Docomo маҳаллий оператори билан ҳамкорлик қилган.
Спортчилар учун махсус флагманлар 12ГБ RAM ва 128ГБ доимий хотирага эга бўлади.
Қувонарлиси, агар сиз ҳам ушбу флагманни харид қилмоқчи бўлсангиз, 1 050 АҚШ долларидан сал кўпроққа унга эга бўлишингиз мумкин. Қиёслаш учун, S20+ нинг Cosmic Grey рангли оддий талқини Японияда 1 039 долларга сотилади.
Samsung'нинг махсус таклифига қизиққан бўлсангиз, Docomo'нинг сайтида олдиндан буюртмалар қабул қилинмоқда. Етказиб бериш эса июндан бошланади.
