Tianma компанияси Galaxy Fold’никидан ҳам зўр буклама дисплей яратди!

Computex 2019 кўргазмасида биттагина хитойлик дисплейсоз қатнашган. Бу – экранлар ишлаб чиқарувчи энг йирик Tianma компаниясидир.

ЎҚИНГ: Samsung’нинг «орқасидан пичоқ уришди»: «миллий бойлик»ни хитойликларга сотган тўққиз кишига жиноий иш очилди!

Лекин шу биттагина компания ҳам «Осмон ости салтанати»нинг бу тадбирда обрў олишига етарли бўлди. Tianma унда диагоналига 7,4 дюймлик букилувчан дисплейини намойиш этди.

WQHD AMOLED дисплейнинг букилиш радиуси 3 миллиметрни, эгиш бурчаги эса 0–180 даражани ташкил этади. Модулнинг қалинлиги 0,25 миллиметрдан ҳам кам, томонлари эса ўзаро 21:9 нисбатида. жанубий кореяликларнинг Galaxy Fold смартфонида бўлгани каби, ушбу экран ҳам ичкари томонига букланади.

Букилувчи қисми шишадан эмас, балки пластикдан ишлангани эвазига, бу дисплей янада қайишқоқдир. Айни шу материал экраннинг янада юпқа ва ихчамроқ бўлишига ҳам ёрдам берган. Дисплейнинг тасвир аниқлиги 3360x1440 пикселлик бўлиб, атрофидаги роми ҳам энсиз – атиги 0,9 миллиметрга тенг.

Қайишқоқ дисплейлар бозорига Tianma’нинг ҳам кириб келиши буклама смартфонлар яратувчилар учун танлаш имкониятини янада кенгайтиради. Табиийки, бу рақобат нархга ҳам таъсир этади. Хабарга кўра, хитойлик дисплейсознинг букилувчи экрани ўрнатилган илк смартфонлар 2020 йилнинг биринчи ярмида бозорга чиқади.

ЎҚИНГ: Lenovo дунёдаги илк қайишқоқ экранли ноутбук – ThinkPad X1’ни намойиш этди!