Тошкентда «Янги Интернет ташаббуси» танлови иш бошлади
Тошкентда «Янги Интернет ташаббуси» танлови ҳакамлар ҳайъати иш бошлади. Бу ҳақда «Infocom.uz»га асосланиб Daryo.uz хабар бермоқда.
Танловда қатнашиш истагида бўлган 200 дан ортиқ киши рўйхатдан ўтди ва 100 дан ортиқ талабнома қабул қилинди. Ташкилотчилар улар орасидан танлов талабларига мос келадиган 72 талабномани танлаб олди.
7 ноябрь, душанбадан бошлаб грант талабгорлари ўз лойиҳасини тақдим этмоқда. UZINFOCOM маркази ходимларидан иборат ҳакамлар ҳайъати аъзолари уларга саволлар бериб, лойиҳа ҳақидаги фикрини бойитмоқда.
