Uber дронларда овқат етказиб бериш бўйича хизматини 2021 йилда ишга туширмоқчи
Американинг Uber Technologies компанияси ўз сайтига етказиб берувчи дронларни ишлаб чиқариш бўйича бўлимининг бошлиғи позициясига бўш иш ўрни борлиги ҳақида эълонни жойлаштирди, деб ёзади The Wall Street Journal.
Вакансия ҳақидаги эълонда ёзилишича, топ-менежер келаси йили асосий вазифаларни ишлаб чиқиши керак ва 2021 йилга келиб бир йўла бир нечта бозорлар учун хизматни ишга тушириши лозим. WSJ’дан сўров қабул қилинганидан кейин вакансия ҳақидаги хабар олиб ташланган.
ЎҚИНГ:Туркияда Uber фаолиятига чек қўйилди: маҳаллий ҳайдовчилар манфаати биринчи ўринда
Экспертларнинг таъкидлашича, Uber келаси йили IPO’га тайёргарлик кўрмоқда. Унинг доирасида компания 120 миллиард долларга баҳоланиши мумкин. Қўшимча хизматларнинг очилиши йўловчи ташиш ва овқат етказиб беришга ихтисослашган фирманинг капитализацияни ошириши мумкин.
Таъкидланишича, шунга ўхшаш хизматларни ишлаб чиқаётган компанияларга дронларнинг хавфсизлигини баҳолаш ва уларни мувофиқлаштириб борувчи ташкилотнинг розилигини олиши лозим. Экспертларнинг фикр билдиришича, маҳсулотларни дронлар билан етказиб бериш соҳасида ишлайдиган норматий-ҳуқуқий асосларни ишлаб чиқишга анча вақт кетади, яъни Uber’нинг белгилаган режасига ажратилган уч йиллик вақтдан ҳам кўп вақт зарур бўлади.
