Умуман аккумуляторсиз ишловчи, «сунъий онг»ли митти камера тақдим этилди

  •   DiMaX
  •  1299
  •  16.02.2019 11:14

Умуман аккумуляторсиз ишловчи, «сунъий онг»ли митти камера тақдим этилди

Xnor компанияси жуда кичкина камерани расман намойиш этди. Ихчамлигидан ташқари, унинг асосий ўзига хослиги – тўлиғича қуёш энергияси асосида ишлашидир.

ЎҚИНГ: Oppo барча смартфонлар учун 10 карралик гибрид зум технологиясини тайёрлади (+видео)

Xnor камераси тахминан 5 сантиметр келади: унда объектив ихчам платага ўрнатилган. Бу платада эса қувват олиш учун кичкинагина қуёш панели ҳам бор – шунинг ўзи етарли, аккумулятор ёки розетканинг кераги йўқ!

Ихчамлиги ва қувватни кам ишлатиши эвазига Xnor камераси фақат 320х320 пикселлик аниқликдагина видео ёза олади. Аммо у «сунъий онг» модули билан ҳам жиҳозланган, ундан ҳаракатни аниқловчи ёки объектларни кузатувчи датчик сифатида ҳам фойдаланса бўлади. Бу каби вазифалар учун кўп пикселли аниқлик ҳам, кўп қувват ҳам талаб этилмайди.

Бу камеранинг видео суратга олиш частотаси қуёш нурининг қанчалик яхши тушаётганлигига боғлиқ. Очиқ ҳавода у сониясига 32 кадр тезлигида видеога ола билади. Яъни, кундузи уни узлуксиз ишлатиш мумкин, тағин теппа-текин қуёш нури энергияси билан!

ЎҚИНГ: DxOMark селфи-камераларни текшира бошлади: энг зўр 12 та селфифон билан танишинг!

Terabayt.uz сайтининг видеолари: Youtube'даги каналимизда!