Узоқ кутилган функция: Twitter твитларни таҳрирлаш хусусиятини тарқатмоқда

Узоқ кутилган функция: Twitter твитларни таҳрирлаш хусусиятини тарқатмоқда

Twitter ижтимоий тармоғи платформадан энг кўп ва энг узоқ кутилган хусусият - твитларни таҳрирлаш функцияси устида анчадан бери, ёхуд апрелдан буён ишлаб келаётган эди. Режаларга кўра, ушбу хусусият сентябргача чиқарилиши керак бўлган, аммо бироз кеч бўлсада компания ушбу хусусиятни тарқатишни бошлади.

Twitter расман Канада, Австралия ва Янги Зенландия учун твитларни таҳрирлаш функциясини тарқатаётганини эълон қилди. Ўтган ҳафта компания таҳрирланган твит қандай бўлишини мисол тариқасида кўрсатган эди.

Маълум бўлишича, таҳрирланган твитлар оддийларидан деярли фарқ қилмайди, шунчаки уларнинг остида твит таҳрирланганлигини англатадиган кичик қалам белгиси ва твит охирги марта қачон таҳрирланганлиги санаси бўлади. Унинг устига босиш билан сиз таҳрирлашдан аввалги твитни кўришингиз мумкин бўлади.

Twitter қўллаб-қувватлаш марказининг берган маълумотларга кўра, твит ёзилгандан кейин уни таҳрирлаш учун 30 дақиқагача вақт берилади. Твитларни фақат беш мартагача таҳрирлаш мумкин. Шунингдек, айтиш керакки, сиз фақат янги қўйган твитингизни таҳрирлай оласиз холос: твитларга берилган жавоблар, қайта твит қилинганлар, юқорига қадалган твитлар ва бошқаларни таҳрирлаш ҳозирча имконсиз.

Твитларни таҳрирлаш ҳозирда фақат Twitter Blue пуллик обунасига эгалари учун.

ЎҚИНГ: Видеоларни юқори сифатда кўриш учун YouTube'га пул тўлашга тайёр туринг

Сайт янгиликларидан доимий хабардор бўлиш учун Телеграм каналимизга қўшилинг!