Видео: Компьютер графикаси мўъжизаси – «Тахтлар ўйини» аждарлари қандай ясалган?

Бутун дунёда энг севиб томоша қилинадиган сериаллардан бири «Тахтлар ўйини» («Игры престолов», «Game of Thrones») бўлса керак. Унинг визуал эффектлари ва компьютер графикаси эса Pixomondo студиясига мансуб.

ЎҚИНГ: 2018 йилнинг энг зўр ўйин, илова, китоб, фильм ва сериалларини Google эълон қилди

Мазкур студия «Тахтлар ўйини» сериали учун аждаҳоларнинг яратилиш жараёни ҳақидаги видеороликни эълон қилди. Унда дастурчилар афсонавий махлуқларнинг барча 3D-моделларини – скелетидан тортиб тангачаларигача қандай тайёрлашгани акс эттирилган.

Видео бир неча қисмларга ажратилган бўлиб, янги компьютер эффектлари пайдо бўла бориши билан аждарларнинг ҳам такомиллаштирилиб бориши унда босқичма-босқич кўрсатилган. Pixomondo студияси рассоми Свен Мартин сўзларига кўра, бундай графика устида 30-40 киши меҳнат қилган.

Мана, мўъжизаларнинг яралишини бирга томоша қиламиз:

Свен Мартин аввалроқ бир интервьюсида таъкидлашича, аждарлар чиндан ҳам «ичкаридан бошлаб» ишлаб чиқилган бўлиб, бунда қушлар ва кўршапалакларнинг анатомиясига таянилган.

ЎҚИНГ: Видео: Олимлар 300 миллион йиллик жониворни «тирилтиришди»!