Видеоларни юқори сифатда кўриш учун YouTube'га пул тўлашга тайёр туринг

Видеоларни юқори сифатда кўриш учун YouTube'га пул тўлашга тайёр туринг

YouTube видео-стриминг платформаси ҳам ўзининг Premium обунасига эга. У видеоларни рекламаларсиз кўриш, уларни орқа фонда қўйиш, юклаб олиш каби эксклюзив хусусиятларни тақдим қилади ва тез орада уларнинг рўйхати яна биттага кўпайиши мумкин: Reddit фойдаланувчиси YouTube видеоларни 4К сифатда кўришни Premium қилишни синовдан ўтказаётганини пайқаб қолди ва ўзининг саҳифасида унинг скриншотини улашди.

Суратдан кўриш мумкинки, видео сифатини созлаш бўлимида 2160p сифати "Premium" этиб белгиланган. Агар Google буни келажакда амалда қўллайдиган бўлса, оддий фойдаланувчилар видеоларни максимал 1440p сифатда бепул кўришлари мумкин бўлиб қолади.

Қизиғи шундаки, гарчи сиз YouTube Premium учун пул тўлашга тайёр бўлсангиз ҳам, Ўзбекистонда бунинг иложи йўқ, чунки YouTube пуллик обунаси мамлакатимиз ҳудудида мавжуд эмас.

ЎҚИНГ: Telegram Premium нархи ярмидан кўпроққа арзонлади

Сайт янгиликларидан доимий хабардор бўлиш учун Телеграм каналимизга қўшилинг!