Volkswagen музлатгич ишлаб чиқаряпти

Volkswagen концернининг тижорий автомобилларни лойиҳалаш ва ишлаб чиқариш бўлинмаси эксклюзив музлатгич (холодильник) ишлаб чиқара бошлади.

Немис автоконцерни мустақил тарзда музлатиш қурилмасини ишлаб чиқаряптими? Йўқ, маълум бўлишича, маиший техника ишлаб чиқариши билан танилган Gorenje компанияси “Фолксваген” билан ҳамкорлик қилмоқда. Дизайн фолксвагенчилардан, қолгани Gorenje зиммасида. Volkswagen ва Gorenje қўшма маҳсулоти баҳоси ҳали айтилгани йўқ.

Автомобиль маркаси музлатгичга кўчиб ўтиши ҳолати биз учун янгилик эмас. Собиқ ССРИ даврида ишлаб чиқарилган ЗиЛ маркали музлатгичлар кўпчиликнинг ёдида бор.