Xiaomi 2018 йилдаги илк тақдимотини ўтказди
Смартфон ишлаб чиқариш билан пули бор ва бозорни билган хоҳлаган компания шуғулланиши мумкин, бироқ биз рамзий маънода "электрон юрак" деб атайдиган мобил процессор ишлаб чиқаришга ҳар кимнинг ҳам юраги дов бермайди. Xiaomi эса оддий компания сифатида иш бошлаб, бугун чип ишлаб чиқариш даражасидаги техно-гигантга айланди.
2017 йилда компаниянинг шахсий чипида ишлайдиган Xiaomi Mi 5C тақдим этилган эди. Кеча хитойлик компания расман янада илғор Surge S2 процессорини тақдим қилди. Бу йил мазкур чипда ишлайдиган бир нечта смартфонни ишлаб чиқариш режа қилинмоқда.
Xiaomi Surge S2 процессорини ишлаб чиқаришда Тайваннинг TSMC компанияси билан ҳамкорлик қилинган. Бу чип маълумотни 16 нанометрли техник жараёнда қайта ишлайди. Ишланмада 8 та – 4 та ARM Cortex-A73 ҳамда 4 та ARM Cortex-A53 ядролари мавжуд. Чипнинг максимал частота тезлиги 2,2 ГГц.гача етади. Унда график-тасвирлар учун Mali G71 MP8 видео-картаси ўрнатилган. Шу билан бирга, процессор UFS 2.1 тоифасидаги доимий хотира ҳамда LPDDR4 тоифасидаги тезкор хотирани қўллаб-қувватлайди.
