Яндекс энди телефон ҳам ишлаб чиқара бошлади!
Яндекс мижозларига янгиликлар тайёрлашдан чарчагани йўқ. Хусусан, энди у телефон ҳам ишлаб чиқаришни йўлга қўймоқчи! Интернетда «Яндекс.Телефон» ҳақидаги илк маълумотлар ва суратлар пайдо бўлди. “М.Видео” "Яндекс.Телефон"нинг техник хусусиятлари, нархи ва сотувга чиқиши ҳақидаги илк маълумотларни чоп этди.
Смартфон Android 8.1 Oreo операцион тизими билан таъминлаган бўлиб, 4 ядроли Snapdragon 630 процессори, 4 ГБ тезкор хотира ва 64 Гб доимий хотирага эга. Смартфон 16 мегапикселли асосий орқа камера ва 5 мегапикселли олдинги камерага эга бўлади. Батарея 3060 mАh'ни ташкил этиши айтилмоқда.
Бундан ташқари, смартфон NFC модули ва симсиз қувватлаш технологияси биллан таъминланган.
«Яндекс.Телефон»нинг ўртача нархи 17 990 рублни ташкил этиши маълум қилинди.
Яндекс ҳозирча смартфон ҳақида расмий маълумот бергани йўқ. Аммо 5 декабрь куни(расмий тақдимот куни) «Яндекс.Телефон» сотувга чиқарилиши мумкин ва 6-декабрдан бошлаб мижозларга етказиб бериш амалга оширилади.
