Microsoft дисксиз Xbox One S All-Digital Edition консолини тақдим этди (+видео)
Куни кеча Microsoft компанияси навбатдаги Inside Xbox тадбирини ўтказди. Унда Xbox One S туркумининг янги моделдаги – «тўлиқ рақамли» ўйин консоли намойиш этилди.
Xbox One S All-Digital деб номланган ушбу моделнинг диск қўядиган уяси йўқ – у ўйинларнинг фақатгина рақамли нусхаларини қўллаб-қувватлайди. Дисковод ўрнига уни 1 терабайтлик қаттиқ диск билан таъминлашган: ўйинларнинг бир қисмини приставканинг ўз хотирасида сақлаш мумкин. Шунингдек, у 4K Ultra HD ҳамда HDR форматларини қўллаб-қувватлайди.
Мазкур девайсини Microsoft антиқа трейлер билан эълон қилган, уни бирга кўрамиз:
Microsoft Store дўконида аллақачон бу консолни 250 АҚШ долларига сотиб олиш мумкин. Бу – кутилаётганидан кўра қимматроқ нарх, аммо жамланмада Minecraft, Forza Horizon 3 ҳамда Sea of Thieves ўйинлари ҳам бор. Геймерлар ҳозирданоқ бу гаджет учун олдиндан буюртма беришлари мумкин, аммо етказиб бериш ва реал сотувлар 7 май кунидан бошланади. Кузатувчилар фикрича, Microsoft кейинроқ «бўш», яъни ўйинларсиз Xbox One S All-Digital’нинг ўзини ҳам 200 доллардан савдога чиқариши эҳтимоли бор.
Terashop.uz интернет-дўконимизда эса Sony PlayStation 4 500GB русумли ўйин консолини 3 385 000 сўм эвазига сотиб олиш, шунингдек, смартфонларда ўйнаш учун Ipega Batman Wireless геймпадини атиги 249 000 сўмга харид қилиш мумкин.
ЎҚИНГ: Google Stadia ўйин стриминг сервиси ҳамда Stadia Controller контроллерини қарши олинг! (+видео)