«Ўқ ўтмас» Cybertruck’нинг тақдимотида Tesla айтмаган жиҳати фош бўлди!
Tesla компанияси ўтган йилнинг ноябрида бутунлай электрлаштирилган Cybertruck пикапини тақдим этган эди. Антиқа кўриниши билан масхараларга сабаб бўлса-да, икки кун ичида унга берилган буюртмалар 146 мингдан ошган!
ЎҚИНГ: CES 2020: Sony кутилмаганда Tesla’нинг «панжасига панжа урди»! (+видео)
Компания асосчиси Илон (Элон) Маск элетропикап ҳақидаги аввал маълум бўлмаган қизиқ маълумотни айтди. Аслида суҳбат Tesla компаниясининг бошқа, аввалроқ Ўзбекистон президентининг куёви Тошкент кўчаларида автомашинани тезликни ошириб ҳайдаган машинаси – Model S ҳақида бошланган. Мазкур электромобил сув тўлдирилган тоннелдан ҳам ўта олиши айтилган, Маск эса, бундай қилмасликни тавсия этган, аммо Model S яхши суза олишини таъкидлаган эди.
Куни кеча Twitter тармоғида Илон Маскка мурожат этиб, Cybertruck ҳам сув ҳавзаларини бехавотир кечиб ўта оладими, деб сўрашган. Тадбиркор эса бунга жавобан: «Ҳа, у ҳатто бироз муддат сузиб юра олади», дея жавоб берган.
Айтиш керакки, Tesla Cybertruck учун аллақачон буюртмалар олинаётган эса-да, ҳали етказиб бериш бошланмаган – уни такомиллаштириш устида ишлар ҳалиям давом этмоқда. Унинг нималарга қодирлигига эса ўшанда харид қилиб, ҳайдаб кўрганлар аниқлик киритишар.
ЎҚИНГ: Қарши олинг: Cyberphone – электромобиль билан iPhone чатишмаси! (+видео)
