Samsung Galaxy Note 9 аккумулятори янада кучли бўлади

Samsung ўзининг флагманларидан бўлмиш – Galaxy Note 9 фаблети тақдимотига тайёрланмоқда. Бу ҳақда тармоқларда бир неча бор хабар қилинганди. Энди эса, хитойлик машҳур инсайдер қурилманинг суратини нашр қилди. 

Расмда бўлажак смартфоннинг иккита чизмаси тасвирланган. Биринчисида камера ва бармоқ излари сканери горизантал кўринишда жойлаштирилган, иккинчи расмда эса, Худди Galaxy S9+’дагига ўхшаб вертикал кўринишда. Аккумуляторни каттароқ қилиш учун Samsung компанияси айнан биринчи вариантни танлашни маъқул кўрган. Гап-сўзларга қараганда, бу сиғими 4000 мАч батарея бўлиши мумкин. Агар солиштирадиган бўлсак, Galaxy Note 8’да  3300 мАч сиғимга эга батарея ўрнатилганди.

ЎҚИНГ: Samsung Galaxy Tab S4 тарихдаги бирорта планшетда йўқ инқилобий хусусиятга эга бўлади

Бундан ташқари, янги қурилма кенгформатли 6.3-дюймли  AMOLED-дисплейи билан таъминланади. У QHD+ форматида бўлади. Exynos 9810 ёки Snapdragon 845 (қайси бозорга чиқарилишига қараб) процессорлари гаджетнинг ишлашини таъминлаши керак. Шунингдек, Note 9  6/8 ГБли тезкор хотирага ҳамда 12-мегапикселли қўш камерага эга бўлади. Камера  Galaxy S9+’дагига ўхшаб ўзгарувчан диафрогмали бўлиши кутилмоқда.

Янги флагманни августда қўлга олишингиз мумкин, дейилади хитойлик инсайдер тарқатган хабарда.

ЎҚИНГ: Ўзи 100 доллар, лекин 1000 долларлик флагманларни ортда қолдирмоқчи