Xiaomi нархи 285 доллардан ошувчи барча 4G-смартфонларини йўқ қилмоқчи!
Бир йилда 500 фоизга ўсган рекордчи бренд 4G-смартфонлардан воз кечишини жорий йилнинг бошида биринчи бўлиб эълон қилган эди. Энди унинг асосий рақобатчиси бўлган Xiaomi ҳам шунга ўхшаш масала бўйича баёнот берди.
ЎҚИНГ: Xiaomi’нинг ушбу смартфонига келган янгиланиш уни «ғишт»га айлантирди
«Хитойча Apple» сал бошқачароқ йўл тутди: унинг ассортиментида энди нархи 285 доллардан ошувчи, бешинчи авлод уяли алоқа тармоғини қўллаб-қувватламайдиган бирорта смартфон бўлмайди. Бу ҳақда Xiaomi Group China бош директори Лу Вейбинг (Lu Weibing) сўз юритган.
Унинг таъкидлашича, 5G тармоғининг ривожланиши кескин тус олмоқда ва уни тўхтатиб бўлмайди. Шундай экан, замон билан ҳамнафас ҳолда, компания энди 2000 юань (285 АҚШ доллари)дан юқори нархда фақат 5G-смартфон чиқаради. Xiaomi’нинг шу нархдан қиммат бўлган 4G-смартфонлари эса сотувдан олинади. Ким билади, балки уларнинг нархлари пасайтирилар; лекин бунинг эҳтимоли камроқ. Ҳар ҳолда, компания энди бешинчи авлод уяли алоқа стандартини қўлламайдиган янги смартфонларини шундан қиммат чиқармаслиги аниқ.
Чатоқ жойи шундаки, 285 доллардан қиммат 4G-смартфонлар рўйхатида компаниянинг 108 мегапикселлик камерага эга илк модели – Xiaomi Mi CC9 Pro ҳам бор. Лу Вейбинг айни шу камерофоннинг дўконлар каталогларидан «дарҳол» олиб ташланишини айтган. «Қурилмаларни қийновчи» видеоблогер Зак Нельсон (Zach Nelson) яқиндагина ўзининг JerryRigEverything каналида унинг глобал версияси – Mi Note 10 моделини «Xiaomi’нинг энг мустаҳкам смартфони», дея мақтаган эди.
ЎҚИНГ: MIUI 12 ҳамда Android 11’гача янгиланувчи Xiaomi смартфонлари иккита рўйхатда!
